ديمقراطية جديدة

حياة عمري نخمم في مودال ديمقراطي يبنى على عدم الترشح لممثلي الشعب لانو النية الاولى للسياسيين عادة ما تكون للتغول و التسلط و حتى السرقة و الانانية و عادة ما ننتخبو عباد ما نعرفوهمش. في بالي البلاد مقسة بطبيعتها لبرشة مؤسسات خاصة و عمومية و إدارات و عمادات الخ و الفكرة تكون تنظيم انتخابات في كل مؤسسة على مرحلتين لاحسن انسان فيها يعرف بالرجولة والاستقامة و التفاني بدون ترشحات. تخرج بعد ذلك نخبة نظيفة نجمو ندخلوها الى مجلس النواب او نعملو انتخابات وطنية لاحقة. وقي ما يخص البرنامج الاجتماعي و الاقتصادي ساهل برشة بحيث يكون تنظيف الادمغة و الباقي تو يجي وحدو

في دار عبو البارح

-يا سامية ما حقكش البارح تحكي هكا

-كيفاش يا سي محمد بربي كيفاش نورنا انا عايشة معاك و راني ما عمري ما فهمتك فاش تحكي 

-قبل كل شيء لازمنا نتفقوا على مفهوم الحوار تقلي انتي موش حوار نقلك انا موش مشكل نعتبروه انترفيو تقلي انتي غير منطقي نقلك انك ما عمرك ما كنت تعرف المنطق يا سامية و الا اش وخذك في واحد كيفي

-اسمع محمد ما نيش ناقصة تخلويضك توة ماهو قتلك الارهاب فزاعة

-يا سامية موش مشكل ان مفهوم الارهاب في المعجم هو الترهيب و طلالتك في التلفزة البارح تعني وجود حي للارهاب و التخويف لكل الفيآت. تقلي ما معنا فئة نقلك كائن حي تقلي مامعنا كائن حي نقلك ارجع لقانون  66 ثم اضافة لذلك  اش بيه شعرك ديما مزيت  تقلي موش مزيت نقلك مزفت 

-انتي هو الارهاب بعينه و داعش ليست تطرف ديني بل هو ايضا تطرف فكري الى حد النهيق